بعض الاكلات المصريه

سوف أتناول معكم اليوم موضوعا شيقا عن الأطباق المفضلة لكل منا

ولكن أسمحوا لى فى البداية أن أضع تسلسل للأطباق المضافة تباعا حتى يسهل على المتصفح للموضوع أن يجد بسهولة طبقه المفضل

وعلى بركة الله نبدأ::::

1- الكبدة الأسكندرانى
2-الكشرى المصرى
3- الحواوشى المصرى
4-الممبار المحشى
5-ايس كريم بنكهات مختلفة
6-المهلبية بالفاكهة(بالمانجو وبالفراولة وبالمشمش)
7-اطباق من العدس(شوربة العدس-العدس بالشعرية-فتة العدس)




---------------------------------------------------------




ونبدا
الكبدة الأسكندرانى

المقادير


نصف كيلو كبده بقرى مقطعه شرايح صفيره
2فلفل اخضر رومى وحار مقطع شرايح
1بصل مقطع شرائح
5 فصوص ثوم مدقوق
1طماطم مفرومه
بهارات منوعة مطحونة ( هيل قرفه كمون كزبره ملح فلفل اسود ............
زيت ذره

طريقه التحضير


فى طاسه كبيره نضيف البصل ونقلب دقيقه ثم الفلفل والثوم ونقلب جيدا حتى
تطلع الريحه حلوة نضيف الكبده ونقلب ثم نضيف كل التوابل ماعدا الكمون ثم
نصيف الطاطم ونقلب ونصيف ربع كوب ماء ونتركه يتشرب ثم نضيف الكمون فى
النهايه ونقدمه ساخن مع المكرونه او الارز او سندوتشات وبالهنا والشفا




----------------------------------------------------------



الكشرى المصرى
[ندعوك للتسجيل في المنتدى أو التعريف بنفسك لمعاينة هذه الصورة]

المقادير:

2 كوب ارز مصرى مغسول ومصفى -
1 كوب عدس اسمر (عدس بجبه) مغسول -
1/2 كوب عدس أصفر مغسول
1/2 كوب مكرونة شعرية -
1/2 كيلو مكرونة مسلوقة -
3 بصلة كبيرة مقطعة جوانح رفيعة -
حمص (شامى) مسلوق (حسب الرغبة) -
قليل من زيت الذرة
زيت لتحمير البصل

لعمل الصلصة:

2 كوب عصير طماطم -
معلقة كبيرة صلصة معلبات -
2 فص ثوم مفروم -
1/4 فنجان خل ابيض -
كمون - ملح .
ويمكن عمل الدقة لمن يرغب ومقاديرها
ثوم مفروم
ملعقة كمون مطحون
1/4 كوب خل أبيض
1/2 كوب ماء
ويمكن اضافة صلصة حارة بالشطة او الفلفل الحمر

الطريقة

1-يسلق العدس الاسمر جيدا فى ماء وكمون وملح ويترك جانبا

2-نضع على النار قليل من الزيت ونحمر فيه الشعرية حتى يحمر لونها ثم نضيف
الارز الابيض المصرى ونقلب ونضيف العدس الأصفر و نقلب جيدا ونضيف الملح
ومن ثم نضيف الماء حتى يغطى الارز ويزيد عنه بارتفاع 2 سم ، يغطى ويترك
على النار الهادئة حتى يتم النضج

3-نحمر البصل الجوانح فى الزيت حتى يصبح لونه غامق ونرفعه على ورق مطبخ وذلك لاضافته على وجه الطبق

4-تجهيز الصلصة : نضع قليل من الزيت فى طنجرة ثم نضيف عصير الطماطمحتى
تتسيك وبعد ان يقترب من الاستواء نضيف الصلصة المعلبة والثوم والكمون
والملح وستظهر الرائحة الذكية ونتركها 5 دقائق

5-لإعداد الدقة نضيف كل المقادير الخاصة بها معا و نقلبها علىالنار لمدة 3 دقائق

6-لإعداد الصلصة الحارة نأخذ مقدار من صلصة الطماطم فى إناء ونضيف لها الشطة او الفلفل الحمر

7-يغرف العدس والارزأولا ويوضع فوقه قليل من المكرونه المسلوقة الساخنة
وفوقها الصلصةالساخنة (اضافة الصلصة الحارة والدقة اختيارى) ثم نضيف العدس
الأسمر و البصل المحمر والحمص المسلوق على الوجه وبالهنا والشفا




------------------------------------------------------



الحواوشى الأسكندرانى

المقادير
للعجينه:

1ملعقة سكر صغيرة
ا ملعقة خميرة كبيرة
3/4 كيلو دقيق
1 ملعقة زيت
كوب ماء
للخلطة:

3/4 كيلو لحم مفروم
8 بصلات مفرومين
ا ملعقة فلفل اسودوملح
2 ملعقة كبيرة زيت
بقدونس مفروم
ملعقة بهارات لحم مشكلة مطحونة
نصف ملعقة شطة حمرا حارة لمن يرغب

الطريقة:

الخلطة:

نضيف جميع مقادير الخلطة معا ونقلبها جيدا

العجينة:
السكر + الخميرة فى ربع كوب ماء او اقل ويكون الماء دافى ويوضع فى مكان دافئ ومظلم لمده 10 دقائق ليخمر
نضع الدقيق ونفتحه من المنتصف ونضع عليه الخميرة + ملعقة الزيت ويقلب مع
اضافة قليل من الماء( نص الكوب مثلا)ونزيد ماء كلما احتاج الخليط بحيث
تكون النتيجه ان العجين لا يلزق فى اناء العجن
بعد تجانس العجين تعجن باليد لمده 5 دقائق حتى تصير يتمط قليلا ومتماسكة
لا تقطع اثناء الشد تندى بالماء وتترك ساعة ثم تعجن مرة اخرى ل 5 دقائق
وتترك نص ساعه
تقطع وحدات حجمها حسب الرغبة وتوضع فيها الخلطة السابقة وتغطى كل قطعه
عجين بقطعه اخرى وتلزق الاطراف فى بعضها ونمسح وجهها بالماء باليد
توضع فى فرن ساخن لمده نص ساعه حتى تلاحظة ان الوجه احمر
او لنتيجه احسن توضع على بلاطه كبيرة داخل الفرن

الحواوشى القاهرى:

نفس مقادير الخلطة السابقة وطريقة عملها
تستبدل العجينة بالخبز الاسمر
يشق كل رغيف من جانبه ويملأ بجزء من الخلطه السابق اعدادها
يلف كل رغيف فى ورق فرن او ورق زبده
يرص فى صاج الفرن ويدخل الفرن حتى ينضج مع مراعاة تقليبه على الجانب الأخر
وبالهنا والشفا

طريقة عمل الايس كريم بنكهات مختلفة:

نكهة الفانليا:

المقادير:
كيلو لبن
بياض 6 بيضات+فانيليا
سكر حسب الرغبة
كاكاو بودرة غامق
كريم شانتيه

الطريقة:

1-نضع اللبن وبياض البيض والفانيليا علي النار ونقلب حتي يغلي ويتخن شوية ونحليه بالسكر ثم نرفعه من علي النار
2-نتركه بيرد شوية وبعدين ندخله الفريزر لمدة ساعتين
3-نكون جهزنا الكريم شانتيه نحطه علي اللبن والبيض بعد ما يطلع من الفريزر
4-لحد كدة هنكون عملنا ايس كريم بنكهة الفانيليا

نكهة الكراميل الاكثر من رائعة:

نسيح زبدة علي النار ونحرق معاها شوية سكر حتي يكون لونه بني مش غامق اوي عشان ميمررش وفي الاخر نحط شوية ماية حتي ميبقاش تخين
ونحطه علي الخليط الاول(اللبن والبيض والكريم شانتيه)


نكهة الشوكولاتة:

نذوب كاكاو غامق في شوية ماء علي النار ونقلبه ثم نضيفه للخليط الاساسي

نكهة الفراولة:

لو عندك فراولة محفوظة تضربيها في الخلاط مع شوية لبن وممكن نضيف لها حلوي مسكرة وتضاف للخليط
وندخل كله الفريزر....
وبالهنا والشفا





---------------------------------------------------------------------



المهلبية وحلاوة المهلبية بالفاكهة

المهلبية بالمانجا

المقادير:

4 كوب حليب
كوب سكر
كوب عصير مانجو
3 ملاعق نشا
معلقة صغيرة فانيليا

الطريقة:

نضع الحليب على النار مع السكر لحد ما يغلى
ازوب النشا فى شوية حليب او ماء قليلة ثم اضعها على باقى الحليب
شوية شوية واقلب اقلب
جامد وبسرعة لحد ما الحليب يغلى
اضع عصير المانجو على الحليب واقلب لحد ما يغلى ثم اوطى النار
لمدة 5 دقايق ثم اضع الفانيليا واقلب تقليبة ثم اشيله من على النار
اغرفة فى الاطباق او الكؤس وممكن تزوقى الوجة زى ما انتى عاوزة
ممكن بالمكسراتأو جوز الهندوالقرفة



المهلبية بالفراولة

المقادير

4 كوب حليب
كوب سكر
كوب عصير فراولة
3 معالق نشا
معلقة صغيرة فانيليا

الطريقة

نضع الحليب على النار مع السكر لحد ما يغلى
ازوب النشا فى شوية حليب او ماء قليلة ثم اضعها على باقى الحليب
شوية شوية واقلب اقلب
جامد وبسرعة لحد ما الحليب يغلى
اضع عصير الفراوله على الحليب واقلب لحد ما يغلى ثم اوطى النار
لمدة 5 دقايق ثم اضع الفانيليا واقلب تقليبة ثم اشيله من على النار
اغرفة فى الاطباق او الكؤس وممكن تزوقى الوجة زى ما انتى
عاوزة ممكن بالمكسرات او جوز الهند مع القرفة



المهلبية بالمشمش

المقادير:

4 كوب حليب
كوب سكر
كوب عصير مشمش
3 معالق نشا
2 معلقة كبيرة ماء ورد( اختيارى)

الطريقة

نضع الحليب على النار مع السكر لحد ما يغلى
ازوب النشا فى شوية حليب او ماء قليلة ثم اضعها على باقى الحليب
شوية شوية واقلب اقلب
جامد وبسرعة لحد ما الحليب يغلى
اضع عصير المشمش على الحليب واقلب لحد ما يغلى ثم اوطى النار
لمدة 5 دقايق ثم اضع الماء ورد واقلب تقليبة ثم اشيله من على النار
اغرفة فى الاطباق او الكؤس وممكن تزوقى الوجة زى ما انتى عاوزة ممكن بالمكسرات او جوز الهند مع القرفة

وبالهنا والشفا

أطباق من العدس

{شوربة العدس..............العدس بالشعرية.................فتة العدس}


الشوربة

المقادير:

كوبين عدس أصفر منقى ومغسول

بصلة مقطعة

طماطماية او 2 مقطعة مكعبات

فصين ثوم مهروس

ملح، فلفل، كمون

ثمرة بطاطس مقطعة مكعبات

3 جزرات أو 4 مغسولين ومقطعين حلقات

الطريقة :

اغلي العدس والطماطم والجزر والبطاطس والبصل في الماء لحد ما يستوي

اضربيه في الخلاط بالماء بتاعه كويس ولو حاسة انه محتاج ضفي له ماء تاني علشان يكون ثقله مضبوط

رجعي الخليط في الحلة وضيفي له الملح والفلفل والكمون والثوم يمكن اضافة قليل من الشطة الحمرا لمن يرغب

واتركيه لحد ما يغلي

يمكنك التحكم فى ثقل الشوربة من خلال كمية الماء المضافة

وكده تكون الشوربة جاهزة وبالهنا والشفا



العدس بالشعرية

تحمري شوية شعرية في زيت أو سمنة وتحطيها مع العدس الشوربة السابق اعداده

تغلي لحد ما تستوي الشعرية وتضبطى الملح وبالهنا والشفا




فتة العدس

المقادير والطريقة:

رغيف عيش مقطع ومحمص في السمن او الزيت (وممكن تزودي العيش زى ما تحبي)

جزء من شوربة العدس اللي عملناها بس من غير الشعرية

اخلطي العيش المحمص مع الشوربة وهى ساخنة وغطيها لمدة خمس دقائق او 10 علشان العيش يطرا شوية

حمري فصين ثوم مفرومين في معلقتين سمنة وضيفي لهم خل (زى دقة الفتة العادية)

بعد العيش ما يطرا رشي عليه الدقة بالخل والثوم

وقدميه مع الشوربة وعيش محمص عادي وبصل أخضر

(بالهنا والشفا)

يارب تعجبكم
جوريه




---------------------------------------------------------------------

يسلموووووووووووووووووووووو

ولك جزيل الشكر

والله انا مش عارف اشكرك ازاي علي المجهود الجبار