السيرة الذاتية لأحمد حسام ميدو

بسم الله الرحمن الرحيم

الاسم:احمد حسام حسين عبدالحميد وصفى
تاريخ الميلاد:23/2/1983
الطول : 190 سنتيمتر
الوزن : 81
الجنسيه : مصرى
جنسيات آخرى : لا يوجد
الحاله الاجتماعيه : متزوج مصريه
اول مباراه دوليه له : امام الامارات العربيه المتحده فى 2001
اللقاب التى اخذها ميدو : كاس الامم الافريقيه /احسن لاعب شاب فى الدورى البلجيكى فى عام 2001
/احسن لاعب شاب فى افريقيا 2002/كاس افريقيا للانديه عام 2000 /الدورى
الهولندى 2002 مع اياكس /الكاس الهولنديه 2002 مع اياكس/السوبر الهولنديه
2002 مع اياكس/
معلومات نادره عن ميدو:
ميدو من صغره كان شقى وهو عنده 13سنه عمل نسخه على مفتاح عربيبه باباه وكان بياخدها لما بيكون بباه مشغول
وراح المدرسه اسبوعين بس وبعدين كان بيزوغ وماكنش قايل لحد طبعا وكان بيدى
للبوسطجى فلوس علشان ميسلمش جوابات انذارات المدرسه لباباه
وكان بيروح الزمالك مكان المدرسه
وكان بيعمل رهان مع اصحابه فى اللعب علشان الفلوس
ولما بباه كان بيديه فلوس علشان يركب تاكى كان ياخده ويركب الاتوبيس علشان يوفر الفلوس للرهان
وعارفين كان كل الفلوس اللى بياخدها من النادى كان يشترى بيها هدوم(من يومك شيك ياباشا)
وميدو مره وهو عنده تسع سنين دخل يستحمى ومن الشقاوة كسر القزاز عليه
ومامته اترعبت عليه بس سليمه الحمد لله
وعارفين ليه ميدو اسمه ميدو؟ المفروض زى الاغلبيه فى مصر يكون دلعه حماده
بس مش زى ما الكل متوقع مش اهله هما اللى دلعوه ميدو ده المدرب الى كان
بيدرب ميدو فى المالك كان بيحب ميدو قوىىى وسماه على اسم ابنه وبعدين بقى
الكل بيقوله ياميدو
ميدو احرز 65 جول من اصل 80 احرزهم الزمالكللناشئين فى فتره لعب ميدو
وعلى فكره ميدو لعب 3 مباريات فى يوم واحد مع الفرق السنيه المختلفه
وكان دايما بياخد كاس احسن لاعب مع الناشئين

وميدو طول عمره بيغير على الزمالك كان بيحب يحضر ماتش الاهلى والزمالك فى
مدرجات الدرجه التالته ولو الزمالك خسر كان ميدو بيقعد يعيط ويتخانق فى
الطريق لغايه ما يوصل بيته وكان هناك يقفل على نفسه الاوضه وميرضاش يكلم
حد
وميدو اول ما لعب فى الزمالك لعب4 ماتشات وبعدين خلع من النادى بعد عناء
طويل لان الزمالك ما كنش راضى يسفره واخدوا من ميدو جواز السفر بتاعه ولكن
كيدو طلع واحد تانى ولما عرفوا المسئولين اخدوا منه الجواز بحجه انهم
هيسفروه ولكن طبعا ما حصلش وطلع ميدو جواز سفر تالت وتكرر الامر ورابع
وبعدين الحمدلله سافر بلجيكا ولعب فى جنت

حد يعرف ان ميدو قبل جوازه من يسرا الليثى المصريه كان ناوى يتجوز
مين؟

كان ناوى يتجوز ملكه جمال بلجيكا ايام ما كان فى جنت
الموضوع قريته فى حوار مع ميدو على موقعه
بعدما اخذ افضل لاعب فى المباراه جات سلمت عليه وعجبته وقال انه ما كنش حب من اول نظره بس
اعجاب كبر مع الايام
ومامته وباباه قابلوها باباه وافق بس مامته كانت رافضه علشان هى مش مصريه*برافو عليها*
بس وميدو كان بيقول ان شخصيتها كويسه بس عيبها الوحيد انها مش مصريه

احمد حسام ميدو من يقلل من امكانته ومن مستقبله يبقى مش بيتفرج عليه او مش متابعه كويس

-احمد حسام ميدو احرز 3 اهداف من 4مباريات مع الزمالك موسم 99/2000 ( الدورى فقط )

- مع جنت البلجيكى لعب 21 مباراه احرز 11 هدف 2000/2001 ( الدورى فقط )

- مع اياكس امستردام لعب 40 مباراه احرز 23 هدف 2001/2003 ( الدورى
والشامبيونز ليج بينمها هدف فى البارسا والسوبر فى النهائى امام ايندهوفن)

- مع سيلتا فيجو اعاره لعب 8 مباريات واحرز 4 اهداف 2002/2003 ( الدورى فقط )

- مع مارسيليا لعب 22 مباراه احرز 9 اهداف2003/2004 ( دورى وشامبيونز ومنها هدف فى كاسياس الريال )

- مع روما لعب 8 مباريات دورى ومبارتان شامبيونز منهما واحد مع الريال ولم يحرز اهداف ( 2005)

- مع توتنهام اعاره لعب 36 لقاء احرز 13 هدف فى الدورى و هدفان فى دوره
السلام باليابان وهدف فى كاس الاتحاد الانجليزى (2005-2006) اى مجموع
اهدافه مع توتنهام 16

- مع منتخب مصر الاول لعب 43 مباراه دوليه احرز 17 هدفا

- احسن لاعب شاب فى افريقيا عام 2002

اى احمد حسام ميدو احرز حتى الآن 83 هدف فى مختلف الدوريات ومنها المصرى ولو من غير المصرى يبقى

80 هدفا مع المنتخب ومع الفرق الاوربيه المختلفه

شوفوا بقه لما يبقى عنده 33سنةهيكون ضرب كام رقم قياسى

اتمنى اننا نعرف قيمه ميدو كويس

بس احب افكركوا ان ميدو لسه 27 سنه !
مع تحيات المشرف بيسو
يارب يكون الموضوع عجبكم

</blockquote>

تم حذف الموضوع من قبل زملكاوي
مكررررررررررررررررررررر

» السيرة الذاتية للمصارع Rob Van Dam
» السيرة الذاتية للفنانة مها احمد
» السيرة الذاتية لكريم عبد العزيز
» السيرة الذاتية للاعب ..كاكا
» السيرة الذاتية للفنان ماجد الكدواني